吳鎮宇想出家籲勿勸阻
吳鎮宇向來敢作敢言，前晚突然上載一張從汽車玻璃拍攝的倒影相，照片中鎮宇以光頭Look及素服示人，並寫道：「我一意孤行，不要勸阻！阿彌陀佛！」未幾即引來粉絲大吃一驚，由於鎮宇是虔誠佛教徒，故此舉引來不少揣測，網友們更懷疑他是否已看破紅塵出家去。
正忙於拍攝新片《脫皮爸爸》的鎮宇，昨日接受電話訪問時，對於其照片引來出家之說即笑指：「梗係唔係，我玩吓啫！就係知大家會咁反應，其實個Look係造型，因為新戲角色有好多變化，成日要黐頭套，驚啲膠水會刺激到皮膚，我貪方便咪造咗個光頭頭套囉！尋日戴住頭套經過架車，見到自己個倒影幾得意，咁咪影張相同大家開個玩笑。」問到身為虔誠佛教徒的他可曾想過出家？鎮宇不諱言表示有，多年前更身體力行體驗過，他謂：「試過一次咁多，係短期幾日修行，但都要跟足剃晒頭、誦經嗰啲o架，叫做了解多啲呢方面嘅嘢！」