岑麗香操弗做打女
無綫小花岑麗香昨日性感打扮出席護膚品牌活動，透露稍後向高難度挑戰，於新劇《火線下的江湖大佬》內扮演一個日間OL、夜間舞獅打鼓的「女英雌」，戲中更不乏動作場面，難怪她相當期待：「開拍前要接受訓練，希望操弗自己，好彩今次同陳山聰有大量對手戲，佢又真係有舞獅，會請教吓佢。」
問到男友會否擔心她過分投入練功，搞到周身傷？香香笑說：「佢對我工作有信心，況且瘀咗都會好番嘛。（對功夫好有興趣？）係呀，我細個想學功夫多過學跳舞。（聖誕節男友飛返嚟？）唔知住，但我要開工。（到時幫佢護膚？）都好喎。（佢好貪靚？）你問番佢啦，要低調呀。」
