汪圓圓報喜佗孖仔

汪圓圓自去年9月為蔡家誕下女兒Celine後，昨晚她出席Coach廣東道旗艦店重新開幕派對，腹大便便的她公布懷孖胎，而且兩個均是男嬰，佗B六個半月的她開心地說：「好重，BB好健康。（老公唔擔心你出嚟？）OK啦，我都唔知咁多人，好熱鬧，好耐冇出嚟，好掛住大家。」

老公開心到黐線

今次佗第二胎，夫婦倆均感到非常驚喜，得知懷孕時老公也不敢相信：「我話佢知時佢唔信，去到檢查知道係兩個仔之後，佢黐咗線！（老爺、奶奶呢？）非常開心。最緊要BB健康，佢哋今次好緊張。（獎勵？）佢哋好錫我。（老公呢？）好幸福，係全世界最好嘅老公。（夠『籌』收工？）我諗停一排先，三個都係BB。（預產期？）農曆新年。（一出世逗利是！）係lucky baby。（Book咗醫院未？）可能係第二次，冇咁緊張，好多嘢都慢慢嚟。」因Celine才一歲多，不知如何向她解釋將有弟弟，怕她呷醋。

汪圓圓、蔡加讚	擔任表演嘉賓的容祖兒未有接受訪問。	陳曉東一家三口出現。

祖兒任表演嘉賓

同場還有韓國人氣女團f（x）隊長宋茜、Twins、謝婷婷、陳曉東一家三口，天后容祖兒與恭碩良擔任表演嘉賓。阿Sa（蔡卓妍）在「第十五屆華語電影傳媒大獎頒獎禮」勇奪最受歡迎女演員獎，她坦言十分有意義：「十一年前憑《下一站天后》攞中港台女演員獎，十一年後憑一套咁唔同嘅戲得獎，見證住唔同嘅拍戲時代。」在旁的阿嬌（鍾欣潼）則說會努力，等緊一部適合自己的電影。

阿Sa拍戲攞獎，阿嬌也要努力了。

謝婷婷

陳曉東與太太王妤嫻及大女陳芷霖捧場，他表示是次回港是為細女辦理證件，問東東會否再追多個？他說：「暫停先，諗佢哋讀書已經好頭痛，唔知香港、台灣定大陸好！」本周日舉行婚禮的徐天佑，透露已籌備得差不多，將擺四十圍。

文：名人組