爆肌魏焌皓激凸狂奔

魏焌皓（Nathan）、陳庭欣（Toby）、何君誠、陳志健（Otto）及劉溫馨，日前到西貢為劇集《愛．回家》拍外景，身形健碩的Nathan應劇情需要，除剩肉色打底褲，上身爆肌、下身激凸拍攝裸跑戲份，在演員及工作人員面前來回奔跑，令他大汗疊細汗，激凸之餘再濕身。

「乜都見過晒啦」

Nathan坦言激凸look讓他尷尬：「有少少尷尬，就當為藝術犧牲！（為晒肌戲做足準備？）冇特別準備，埋位前做吓掌上壓。（晒肌要問准女友？）我都想，但我冇女朋友。（王浩信拍過裸跑戲，怕唔怕觀眾挑剔你哋邊個激凸啲？）如果被人攞嚟比較都冇得避，但自己知OK咪得囉！」

魏焌皓爆肌兼激凸，他謂埋位前做掌上壓熱身。	劉溫馨勁冧魏焌皓副Body，直認：「我鍾意呀！」	陳庭欣（左起）、何君誠和陳志健均讚拍檔身形健碩。

劉溫馨勁冧魏焌皓副body，她說：「佢好fit！我鍾意呀！我諗每個女仔都鍾意呢類男仔身材。（佢激凸look有冇令你尷尬？）冇，我哋開工差唔多日日見，乜都傾，乜都見過晒啦！（你哋咩關係？）我意思係我哋好熟。（有冇留意朱璇廣東話差，影響演出機會？）我嘅廣東話都有待進步，有練熟對白，至今都冇乜NG，我會繼續練！」

陳庭欣盼加戲

Toby首日開工即見Nathan激凸look，她說：「佢裸跑係幫我引開記者，上輯《愛．回家》我做泌尿科醫生，今輯做明星Juliababy！暫時有兩集戲，希望觀眾鍾意我，監製加我戲！（你都鍾意健碩男？）我鍾意健康型，健碩排二、三位。（緋聞男友翟威廉係健康型？）我哋公司有好多唔同類型嘅同事，佢哋都好健康！」參選過香港先生的Otto則說：「晒肌留番畀啲後生仔，遲吓劇情會講我哋兄弟情，希望觀眾支持！」

文：影視組