千嬅：咁可歌可泣呀
楊千嬅和陳奕迅（Eason）向來老友鬼鬼，千嬅前晚上無綫節目《娛樂三兄弟》時，被問及有否看過網上潮文《有一種愛情叫陳奕迅和楊千嬅》，千嬅回應：「嘩！冇喎，乜咁可歌可泣呀！」當主持問到對潮文有何感覺？千嬅除開玩笑說有厄爾尼諾和佛洛依德的感覺外，更用「剛剛好」來形容她與Eason的關係，又說要讓大家保留美好的想像空間。
另外，千嬅與林海峰（Jan）合作新片《哪一天我們會飛》，早前受訪時Jan大爆：「有次喺某停車場升降機口撞到千嬅兩公婆，lift門未開已經聽到有人好大聲罵，一打開門又立即收口，好真性情，我即刻扮乜都睇唔到啦！我心諗娶着你就大鑊，好彩係拍戲，真係辛苦丁生。」
