R&K開騷停電大合唱解圍
組合Robynn & Kendy（R&K）昨日出席電子產品活動，鮮少為電子品牌代言的兩人表示：「今次都好似係頭幾次，而佢賣嘅嘢又咁啱同我哋生活幾脗合，因為我哋平時都會用雲端share歌畀大家。」
剛於內地南寧回港的R&K透露早前在北京、南京、武漢、西安等地巡迴搞大學騷，很驚喜有很多大學生認識她們，並讚內地粉絲很熱情，兩人在南寧表演時更有發生小插曲：「唱唱吓歌突然停電，音樂燈光嗰啲咩都停晒，要臨場執生，咪落台同學生一齊大合唱《思念是一種病》，本身都擔心有咩事，但反而咁樣氣氛仲好。」