愛子受驚嚎哭 薛嘉麟憤怒了
名模諸葛紫岐（Marie）與Neway太子爺薛嘉麟近期傳姻婚亮紅燈，然而兩位當事人從沒有正式交代。昨日假期難得兩人均在港，一心想陪同兒子Arthur外出遊玩，但當一家三口坐在車中時，卻突然在馬路上被攔途截住狂影，嚇得兒子受驚嚎哭，愛子心切的薛嘉麟，怒斥情況危險，罔顧他人安全。
Marie自從去年尾自組娛樂公司後，時常飛外地傾公事，忙得不可開交，而薛嘉麟亦因業務長期不在港，兩夫妻見面機會甚少。Marie近期還不時在微博上寫感性字句，例如「不是每個人都會在原地等你」、「真心如果你給不起，請遠離我」，字裏行間似有所暗示。而甚少玩微博的薛嘉麟，早前突然寫上「是否狂風暴雨過後會涼風刺骨」，還上載了「婚姻是甚麼」的文章，令人猜測是否婚姻出問題。但無論感情是否有變，兩人對兒子Arthur卻一直愛護有加，據知昨日兩人難得均在港，原本計劃一起陪伴兒子去公園玩，但當三人坐在車上，在馬路停紅綠燈時，卻突然有幾個人衝出來，在車外不停影相，嚇得兒子放聲大哭。
「我哋做錯啲乜？」
記者致電薛嘉麟問及此事，他怒氣未消，不滿地說：「難得有個好假期，陪阿仔出去，點知喺車度一停紅綠燈就有幾個人衝出嚟，不停影，喺條馬路度咁樣做好危險，我哋做錯啲乜？要咁樣對我，個仔嚇到不停喊、好驚，佢哋仲要唔止一次，幾次停燈都係咁衝出嚟，嗰刻當然要保護個仔先，突然咁樣被嚇親，好彩佢哋揸嘅係相機，如果係其他嘢點算，你唔知會發生乜事，香港就話治安都放心啫，第二個國家真係唔知點。」
感情狀況處理緊
而薛嘉麟被問到與Marie的感情狀況時，他依然不願多提，只說：「處理緊，畀啲時間，畀啲空間我哋，唔想講太多。呢輪發生好多事，好多情況，我前兩日先返香港，難得有時間去處理問題，點知突然被人衝出嚟嚇親。」文：名人組