陳浩民4年抱4 感激老婆捱刀

陳浩民與蔣麗莎結婚四年已育有兩女一子。

現年46歲的藝人陳浩民，2011年與老婆蔣麗莎結婚，結婚四年便現已育有兩女一子，而昨日浩民出席在北京舉行的電視劇《新濟公活佛》發布會時就春風滿面，更當眾宣布太太懷有第四胎，預計明年夏天出世，名副其實四年抱四，「娛樂圈多仔公」之名當之無愧。

暫未知性別

他在電話訪問回應時就表現雀躍，更語帶興奮謂昨日對於他而言是特別的日子：「除咗套新戲開之外，老婆又有咗第四貽，而最細、十個月大嗰個女又識叫爸爸同媽媽。」問他第四胎想生仔還是生女，他就指沒有所謂，而暫時亦未知道BB的性別：「係仔係女都冇所謂，健康就得。」

「多仔公」陳浩民笑言沒有獨門生B秘方，下胎生仔或生女都開心。	蔣麗莎在社交網上載一對子女遊玩的照片。	蔣麗莎頭三胎都在同一位置開刀生產。

密賺奶粉錢

問獲封為「多仔公」的浩民是否有獨門秘訣至可以四年抱四密密生，他即謂：「真係冇秘方，亦都冇食補品，應該係小朋友同我哋有緣，排住隊入嚟我哋個家庭。」而他亦特意感謝老婆無私奉獻：「做兄弟都係兩肋插刀，但老婆就每年都一刀。（開四刀冇問題？）前三次都係同一個刀口，所以個肚唔會花晒，到時睇吓醫生點安排。」問他如此努力「造人」是否打算十年生十個，他即笑謂：「政府都話最好生五個嘛，我就最聽話（口架）喇。（養一個B要400萬（口架）喎？）所以努力咁喺內地工作囉。」文：影視組