羅力威貫徹風格黑面開財路
一年一度的英皇新秀歌唱大賽前晚舉行，眾師兄師姐齊齊現身支持。講到日前羅力威被拍到與女友雨僑拍拖斷正當場黑面，他解釋當時並非黑面，但之後亦謂黑面是個人風格，並笑言可能有一日能代言牙膏廣告。
「英皇新秀歌唱大賽2015總決賽」前晚圓滿結束，十位參賽者在台上施展渾身解數，一眾師兄師姐包括羅力威、洪卓立（Ken）、泳兒、鍾舒漫等歌手亦有現身支持，並跟參賽者合唱助他們過關。經過多個回合後，由英皇娛樂行政總裁吳雨宣布冠軍由9號的張可永奪得，並贏得「英皇娛樂集團藝人合約」一份，接着英皇集團主席楊受成先生率領眾人在台上大合照。
羅力威在台上大讚參賽者年輕和有勇氣，而受訪時講到日前他被《好報》拍到與女友雨僑行街，但見到記者時當場黑面，對此他解釋：「嗰日我心情係開心，嗰陣只係愕然，跟住扮冷靜。」之後他搞爛gag謂：「有黑面我唔怕講，呢個係個人風格，可能有一日我能夠代言到牙膏廣告，總之大家見到我平時唔笑就係咁樣。」
洪卓立海鮮餐謝罪
講到Ken日前幫女友湯怡驚喜慶生但累她意外「露底」，Ken事後煮了一頓海鮮大餐氹番女友：「其實同佢一齊煮，我邊度識煮？（仲要佢煮？）OK(口既)，佢係好女仔，總之成個過程同佢一半一半啦。（送咩禮物畀佢？）我哋淨係情人節先送，我哋有個好低B嘅約定，講好咗生日唔送禮物，送咗要罰。」
泳兒生日獲贈小狗
泳兒剛過生日，她表示最開心是收到男友送的小狗作禮物，令本身所養的小狗能有個伴，她亦透露跟湯怡生日只差一日，故她之前跟湯怡和朋友一起在其家天台BBQ慶祝。至於比賽冠軍張可永賽後受訪，剛在溫哥華讀完書的他視多才多藝的王力宏為目標，並希望能夠嘗試唱歌和拍戲。文：音樂組