馬國明抓機會同阿佘親熱
馬國明與「女神」佘詩曼將在新一輯《愛情來的時候》再續前緣，二人於月底起程到德國實景拍攝，靚人靚景譜浪漫愛情故事。再與阿佘合作，問二人可會有激情鏡頭？馬明笑言：「我會搵編審傾吓睇加唔加到！」
無綫斥資逾千萬元製作費，開拍第三輯微電影《愛情來的時候》，當中四個獨立故事分別由佘詩曼、馬國明、黃翠如、周柏豪、洪永城和台灣演員等演出，並安排在明年情人節播出。在第三輯以頭炮掛帥的故事，為上一輯佘詩曼和馬國明的愛情延續，他們到德國實景拍攝，靚人靚景，阿佘和馬明看過劇本便答應演出。劇情講述二人身份「女尊男卑」，但並未影響他們愛情發展，阿佘繼續當馬明的上司，而馬明亦樂於當其小男人的位置。
翠如要同周柏豪warm up
阿佘昨日在電話稱期待今次拍攝：「劇中我係識講德文，雖然我之前喺瑞士住過吓，識講啲德文，但都要練番個感覺先講到，對我嚟講係一項挑戰！」至於視阿佘為「女神」的馬明，坦言上次舉手希望拍到阿佘，如願合作後有好反應，今次知道開新一輯並係上次故事延續，馬明報名希望演出：「可以同阿佘合作喎，梗係開心啦，我好欣賞佢，仲係我心目中女神嚟（口架）！（會有激情鏡頭？）啱啱聽古仔就未有，我會搵編審傾吓睇加唔加到！」
另一故事則由黃翠如和周柏豪合作，翠如有機會和柏豪合作亦要準備十足，據知十一月台灣開拍，下月二人先要排戲好作事前熱身，翠如昨受訪時稱：「劇中我同佢係由細識到大好熟嘅好朋友，我哋又未合作過，希望事前多啲warm up，可以免卻尷尬！」
另她昨日出席書籍頒獎禮，稍後又要四出工作，坦言與男友蕭正楠相見很難，有指她為爭取時間與男友見面，不惜死跟男友出席原本是全男班的飯局，她回應謂：「本身都唔止佢哋三個人，張枱都好大，黃長興間餐廳新開張想支持吓！」
文：影視組