張文慈爭做高齡媽咪

藝人張文慈（Pinky）早前偕朱慧敏於大埔某校為微電影《回到起步時》取景，劇中，飾演母親的兩人出席小學家長會活動，跟數十名家長、學生於禮堂中摺紙飛機，與小演員相處融洽的Pinky笑稱已慣做人母，曾跟黃浩然合拍電影《黑白森林》的她說：「黃浩然阿媽我都試過做，當時要化少少老妝，依家就唔使化啱啱好。」並謂拍畢《回》片發現為人父母不易，但Pinky表示未有被嚇窒：「我點都會生一個。（幾時？）盡快，相信自己會做最高齡媽咪，因為我睇過娛樂圈最高齡生都應該係林青霞，我要邁向佢。（雪卵？）唔會，我覺得天父賜我有就有。」