黃煦珽才氣逼人唔吼靚仔

曾贏得中華文化小姐殿軍的黃煦珽（Zeneta）擁有高挑身材及白皙肌膚，被封為「翻版李亞男」。Zeneta自小已被家人培育成才女，擅長彈琴、畫畫、書法、跳芭蕾舞及拉丁舞，曾與香港管弦樂團合奏演出，堪稱「才氣逼人」！

對身材有信心

Zeneta個性文靜內斂，因此喜歡的嗜好也予人感覺較有氣質，她說：「呢啲興趣可以練耐性、觀察力，人哋都覺得有氣質嘅，之前對選美都有幫助。（屋企想栽培你做公主？）冇咁誇張，我冇公主病，但都想做公主，多人錫。」自認怕醜的Zeneta今次破格穿三點式接受專訪，她表示近期開始接觸更多戶外運動，正鍛煉泳術及潛水，對身材愈來愈有信心。

黃煦珽希望未來的另一半一樣多才多藝，互相學習。

放大圖片

欣賞家輝發哥

Zeneta曾參與大製作《激戰》及《賭城風雲II》，先後與影帝張家輝及周潤發同場，她大讚兩位前輩冇得頂！當時她見證家輝一身爆肌，自然把握機會合照，照片曾一度被瘋傳！她說：「當時家輝嘅肌肉真係好勁，好驚訝，開頭唔認得佢，好佩服佢喺片場隨時都準備就緒。」至於發哥，Zeneta大讚對方超好人。

擇偶條件方面，Zeneta笑言靚仔冇本心，反而更欣賞男士的內涵，問到會否要求對方也多才多藝？她說：「都希望係，大家未必識一樣嘅嘢，可以互相學習！（點解唔欣賞靚仔？）呢個唔係我首要條件，唔鍾意萬人迷，愈多女仔爭我就愈唔會鍾意，我欣賞默默耕耘嘅男士。」

文：立影

攝：劉斌