劉坤銘踩場撐仔 羅霖詐型

藝人羅霖前夫劉坤銘昨日出席慈善活動，表示是來支持有份行騷的細仔劉子晉。據知羅霖原先會現身，但因工作關係已預早通知大會缺席，但仍安排母親及朋友在場照顧細仔，而據活動相關人士所指，劉坤銘事前未通知會出席，但大會仍有安排位置給羅霖的家人。

對於前妻近日被指整容及與富商關係密切，劉坤銘表示不清楚對方感情事，指雙方已甚少見面：「單身自然會有追求者。」而問到可會覺得前妻有整容，他即略帶暗示說：「差唔多，瘦咗啲！（咁有咩唔同？）靚咗啩！（邊部分靚咗？）樣啩，後生啲！（有冇聽過佢想整容？）我諗佢冇需要執，女人識美容！」

劉坤銘表示不清楚羅霖的感情事，又直言對方的樣子後生了。	細仔劉子晉與外婆合照，反而拒與父親合照。	正在泰國拍打戲的羅霖大嘆辛苦。

身處泰國拍片

而待細仔行騷後，他應要求與細仔在後台合照，但細仔竟拒絕與爸爸合照，但就大方和「代表」羅霖撐場的婆婆合照，而他與前外母同場不相見，分別前後腳出現在人前。

而身在泰國拍攝動作電影的羅霖，越洋接受本報電話訪問，對於前夫突然「踩場」有所埋怨，她說：「佢捧個仔場無所謂，但事前又唔通知聲，呢三年做所有嘢都冇講，大家有咩事都係由大仔同工人或律師信傳達。」而三個兒子名義上是共同撫養，但據知大仔今年由英國轉到美國讀書，第一期18萬的學費，是由她負責出錢。

驗出嚴重貧血

而對於被指整容一事，她表示之前曾做美容代言人，有打蛋白溶線針，會提升以及收緊面部，但不用開刀。另外，她強調為養育三名兒子一直努力工作，把身體都捱壞，如有富豪照顧，就不用如此辛苦，聲言若有拍拖，而對方家境良好可以照顧她，絕不介意公開，但現在無中生有，令她感氣憤：「呢幾年做嘢好辛苦，每日只瞓三至四小時，今次去泰國拍戲，50歲人自知骨頭硬，仲要拍打戲，又要吊威吔！去泰國前有做過body check，發現有幾嚴重貧血要食補血藥，如果返嚟貧血情況無改善就要入院。」

文：名人組