陳寶珠胸長脂肪粒 運動自療

廖碧兒笑言現在才知哺乳可減低患乳癌機會。

粵劇名伶陳寶珠、藝人廖碧兒（Bernice）和名模琦琦等，昨日以大使身份出席關注乳癌的步行籌款，同場還有前港姐楊婉儀，大家齊齊分享健乳心得！寶珠姐表示現一星期中的四天均會做運動，包括拉筋、初級瑜伽及跳拉丁舞，是自己的養生秘方，她還大爆自己胸部長有脂肪粒：「我每年驗身，每月都會檢查，（報告結果OK？）保持住，但我胸部都有少少脂肪粒，要睇住，（良性定惡性？）良性嘅，唔使食藥，keep住健康飲食同做運動就得。」

琦琦為囡囡捐髮感動

而已為機構擔任十年大使的Bernice，笑言自己多年來均不知原來餵哺母乳是可以減低患乳癌的機會：「不過我都有好多朋友仲驚餵人奶，胸會下垂，我覺得唔應該咁諗，應該諗自身嘅健康。」又謂自己有打算生小朋友，現靜候緣分及機會來臨。另外，琦琦表示為囡囡任晴佳的無私想法，大為感動：「佢前晚知我做咗呢個機構嘅大使，同我講要留長啲頭髮，之後一次剪短晒，捐畀做過治療嘅人做假髮，咁細個識講呢啲說話，好感動。」文：名人組

陳寶珠所到之處，均受大人細路歡迎，她亦親切地跟大家合照。	陳寶珠與高人一等的琦琦合照，搞笑地趷高腳尖。	楊婉儀亦關心胸部健康。