梁漢文爆蘇永康(目及)女先睇pat
歌手任賢齊（小齊）、蘇永康、梁漢文（Edmond）及黃家強等，前晚為於珠海橫琴長隆國際海洋度假區舉行的《2015中華小姐環球大賽》任評判。Edmond大爆：「蘇永康鍾意堅挺嘅pat pat，嗰次訪問你話好專注呢方面。」蘇永康反駁：「錯晒啦！我經常改變(口架)，依家改高度，有小齊咁高就得。（驚老婆鬧所以唔敢認？）我老婆嘅身材你估差得過佢哋咩？」
對於蔡康永與徐熙娣（小S）向台灣節目《康熙來了》請辭，蘇永康自爆上該節目時曾察覺異樣：「平時佢哋好好笑，但嗰日有啲沉重，氣氛有少少怪。」小齊即打趣道：「唔係我哋累(口架)嘛？因為永康去咗，康永唔想做！」蘇永康又讚小S共同進退有義氣，盼二人有更好的發展。至於中華小姐賽果方面，最終由(16)郭洋子摘冠，亞軍和季軍分別是(12)吳韋葶和(6)栗璐雅。
