千嬅校際極品 冇仔埋身
楊千嬅和林海峰（Jan）昨日聯同戲中飾演兩人中學時代的新演員蘇麗珊、游學修及吳肇軒，為電影《哪一天我們會飛》展開宣傳。千嬅回憶少女時期集「驚嚇三寶」於一身，自嘲醜樣到沒有男生埋身。
千嬅、Jan和三位以戲中校服Look打扮的新演員現身台上，並與現場觀眾玩遊戲。飾演少年版林海峰的游學修身形較高，當與Jan合照時自動「縮低」，Jan就努力「趷高」相當搞笑。千嬅與Jan受訪時，被問到拍攝時可有讓兩人憶起讀書年代？讀女校的千嬅表示：「如果當年我有咁多人追，可能改寫咗我命運，遇着個啱就未必會去咗考護士。」
林海峰取笑似撞鬼
問到可試過到隔籬校識男生？千嬅即自爆「樣衰」：「唔得啦，當年我好醜。首先啲頭髮唔知點解會長期攣毛，我又箍牙兼戴粗框粉紅色眼鏡。我將人生三件最核突嘅嘢放晒上身度，咁仲邊會有姻緣？」而旁邊的Jan亦忍不住笑道：「如果畀我見到，我以為撞鬼啦。」千嬅笑言：「好彩戲入面我嘅學生版又靚，身材又好。」講到蘇麗珊有份提名金馬獎的「最佳新演員」，千嬅稱是個好開始，望連帶他們的真實版都會攞獎。
否認曾為仔鬧大交
千嬅又否認為兒子搵學校一事，與老公丁子高鬧大交：「梗係冇啦，最精彩嗰啲喺真人騷到衝口而出鬧晒啦。我都冇報過佢哋寫嘅學校，其實我個仔先K2，出年先搵學校。我信條命，到時我乜都會報晒先，亦照派位。」而有兩個女兒的Jan抵死笑謂：「我聽到都好似回復初衷，作為媽媽係會緊張啲。我都信周刊寫佢哋有鬧交，報晒佢，盡做啦。」文：音樂組