Rosemary超額照cut 老竇冇面畀

名模Rosemary、Jocelyn及莊思敏前晚出席活動，提到Rosemary於12月初舉行的婚禮，她表示日子不能透露，因未婚夫Jason較為低調：「儀式有西式同印度式，會留4日，12月至飛過去，香港唔會擺酒。」她透露賓客人數控制在150人：「爸爸話佢個list有78個朋友，係人數嘅一半，所以要cut，但又唔可以cut太多，要畀面。（媽咪去唔去？）要睇佢健康，唔想畀壓力佢。」她透露婚禮會換5套衫，當中包括有印度式的服裝。她表示Jason不愛影相，亦不愛公開相片，但她會照樣放上網跟大家分享；她亦暗示蜜月地方是馬爾代夫，笑言Jason想在當地造人。

莊思敏繼續受性騷擾

同場，莊思敏早前遭受性騷擾，她截圖打格公開該男性下體照片後，不雅照仍然陸續有來，她直言不會報警，亦不怕對方有進一步行動。而前日是Jocelyn的32歲生日，老公Anthony已準備浪漫晚餐，又載她上山欣賞風景；她透露生日願望是人人快樂，至於生BB要待兩年後，因下年為電視節目及電影工作有排忙。

Rosemary與Jason將於印度完婚。	Rosemary（左）與莊思敏鬥性感，Jocelyn明顯輸蝕。	貝安琪將為好姊妹擔任伴娘，笑言唔心急嫁人。

貝安琪多人追慢慢揀

另外，模特兒貝安琪昨晚出席活動，將擔任Rosemary婚禮伴娘的她透露11月尾在港為新娘舉行bridal shower（婚前單身派對），因好多姊妹剛剛生完BB不方便離港，才在港舉行。問到會否催好友生BB？她說：「我諗佢哋想快啲生，佢哋嘅BB一定好得意。（到時搶花球？）唔好啦，搶過好多次。（你唔心急？）唔心急，要慢慢嚟。（叫Jason介紹兄弟畀你？）唔使，依家都有幾個人追緊，揀緊。」

文：名人組