羅霖講整容：細執check唔到
藝人羅霖、劉錫賢、張家瑩及亞視執行董事葉家寶等前晚在黃埔出席晚宴，羅霖有經營醫學美容生意，她自言與醫生接觸得多能「鑑證」有沒有整容，她說：「依家好少人大整，如果唔係整下巴、顎骨大手術，打針縮細基本上係check唔到，就算連X光、磁力共振都冇用。」
講到被指整容的Angelababy到醫院進行面部鑑定力證沒整容卻受質疑，她笑說：「佢本身係靚女，底子好，有混血兒血統。我覺得依家微整好普遍，大整就個個都睇得出。（check嚟冇意思？）係冇乜意思，依家醫學昌明，變靚好簡單。」
同場的葉家寶獲聘成為協盛協豐控股有限公司的行政總裁及執董，他透露亞視昨日會就多條新頻道進行內部選台長篩選。講到其亞視欠薪官司，葉家寶說：「依家27日結案陳詞，等法官宣判，自己平常心、坦蕩蕩面對。」