黎耀祥霸氣視帝嚇親傅嘉莉

視帝黎耀祥與藝人胡諾言、傅嘉莉、裕美和何廣沛，前日在將軍澳電視城為賀年劇《財神駕到》拍攝，內容講述飾演窮人的黎耀祥與胡諾言發生爭拗。

演窮人慳時間

黎耀祥笑言劇中飾演窮人也不錯，因為化妝和造型都比較簡單，可以省回不少時間。問到今次與一班較新的演員合作有何感覺？他大讚各演員都盡力演出：「佢哋個個都好有動力，做得好好。其實佢哋依家比我哋做新人時已經好好多o架嘞。」

傅嘉莉坦言與視帝黎耀祥合作，令她相當緊張。	黎耀祥（右一）與胡諾言（左一）等人在劇中對峙。	傅嘉莉讚黎耀祥令她很易入戲。

問到此劇在農曆年間播出，會否擔心觀眾外遊令收視有影響？黎耀祥說：「我真係未試過有劇賀年檔播。不過我一向唔理收視，自己每部劇都會做到最好。有時收視好難控制，好難捉摸觀眾喜好。不過當大家冇乜期望嘅時候，又可能有好效果呢。」他又指此劇監製李添勝做事認真、嚴謹，劇本又夠紮實，今次再度合作感到相當開心。

要李添勝提點

同場的傅嘉莉坦言與視帝級的黎耀祥合作，初時埋位演出相當緊張，結果連監製李添勝都看得出來，要找她傾談，她說：「李添勝都見到我比較緊張，同我講叫我放鬆啲去演，仲話睇到我喺《張保仔》嘅演出幾好，叫我唔使太緊張嘅。」她又讚黎耀祥演技出色，單是一個眼神也能帶她入戲，她說：「佢真係好犀利，同佢合作幾日已經好快帶到我入戲，仲令我好快投入角色。」

文：影視組