周秀娜「先生」揮低長腿雨僑
於前晚的影城開業活動上，一眾女星不忘於紅地氈上大鬥性感，包括周秀娜（Chrissie）、雨僑、何佩瑜（Jeana）及唐貝詩等，雨僑以高衩晚裝裙亮相，又盡騷其43吋長腿，唐貝詩則以低胸吊帶衫上陣，惟Jeana卻一反常態收起性感裝扮，改以密實裝束出席，似乎有點遜色。不過論性感程度，眾女當然不及大師姐Chrissie，身穿低胸裝的她略騷事業線，足已搶盡「峰」頭，未知是否伊人「峰」芒畢露，令現場司儀介紹她出場時亦食螺絲，不慎把Chrissie誤稱為「先生」，場面惹笑。
事後Chrissie表示當時正與鄭欣宜閒聊，根本聽不到司儀呼喚她：「只係突然聽到『先生』咁，佢哋就推咗我出去，其實我覺得我可以反串男生，以前古裝都試過，可能今日着西裝先會咁，都係第一次被人咁叫，我把聲配男聲都OK。」而嘗過紮胸滋味的Chrissie，亦有意着老闆蕭定一為她再開拍反串角色的電影，問到可有心水女星出演女友？Chrissie笑謂：「要諗，最好愈多愈好，未試過以男仔身份畀咁多靚女圍住。（拍床戲呢？）睇吓咩類型、方式、古仔先。」
