蕭定一連環投資開戲院吸金
攜同老婆到場的中國3D數碼娛樂公司老闆蕭定一透露，為開設廣州影城大手筆投資了2500萬：「戲院係我哋未來要有嘅配套，自己有戲都可以喺度宣傳。」已在廈門經營一年多戲院的蕭定一，亦指未來會在重慶開兩間戲院、在泉州開一間戲院，合共三間戲院，他說：「香港就傾緊，但唔會勉強，因為租貴，做得到都未必賺錢。」他又指入場睇戲在內地仍是潮流，故是合適的投資時機。
談到胡杏兒想演殺人犯，蕭定一指她可塑性高：「但殺人犯真係未諗過。（每年開幾多戲畀佢？）電影就兩至三套，其他電視劇就一至兩部。」問到會否考慮開電視台？他直指電視台難做：「係都搞網絡電視。（對離開無綫嘅藝人有興趣？）同我哋本身有嘅藝人唔同類型就會有興趣。」他指避免在公司裏造成惡性競爭。
