思敏收露械相思明店舖水浸
藝人莊思敏（Jacquelin）與莊思明兩姊妹昨日認真當黑，前者遇到網上性騷擾，後者位於中環的服裝店則水浸，損失慘重！
公開帳戶收阻嚇
莊思敏網上被性騷擾，收到很多不雅照片，當中更有展露男性下體的照片，Jacquelin於微博上載打格照片，更留言指再傳來露械照就不會幫對方打格。記者致電給Jacquelin，她直指對方變態：「佢連續三日send超過十張相畀我，好滋擾。（佢再傳相，你就公開『冇打格』版本？）我驚到時自己被舉報。（將相片公諸於世，係咪有效遏止對方？）公開佢帳戶後的確停咗傳相嚟，有時都好尷尬，唔小心喺大庭廣眾下載張相，驚畀人以為我上色情網站！」
爆渠損失廿幾萬
而思明昨日則在微博上載舖頭水浸短片，更怒斥未見過這麼不負責任的業主！記者致電了解事件時，她說：「業主要成幢樓重建，之前已試過漏水浸濕啲貨，冇叫佢賠，今次爆咗條渠，啲裙濕晒，嗰啲裙好貴，成廿幾萬，雖然我哋有買保險，今次都要搵業主賠償番，不過仲未搵到佢，我哋已經報咗警。」
文：影視組