蕭正楠飛墮二百米 翠如大覺瞓

蕭正楠、田蕊妮、阮兆祥等正於澳門為無綫劇《巨輪II》拍外景，昨早Edwin就拍挑戰笨豬跳的場口，由233米高空躍下，由於要應付航拍及兩部攝影機拍攝，他更跳了兩次。

跳兩次上癮

Edwin坦言第一次跳時驚到腳軟：「初初好驚，但落咗一半，俯衝落去地下時，好似周星馳《功夫》入面被如來神掌打落地下嗰場戲，好勁！未跳時企喺上面好大風，條威吔向後彎，最驚係落去嗰陣，中段就真係好feel，原來呢啲嘢真係會玩上癮。」

逢玩笨豬跳，都要先簽生死狀，問Edwin簽時有甚麼感覺，他說：「簽生死狀時只係寫全名、出生日期、同簽名，我心諗，就係咁o架咋！」問他與女友黃翠如誰較大膽？他謂：「佢驚過我，仲話我勇，我話冇辦法，為拍嘢，如果自己就唔會跳。」Edwin又指翠如及媽媽都擔心他：「翠如一時叫我食多啲嘢，一時又叫我跳前食少啲，搞到佢都慌晒。」而他表示之後都有動作戲及爆玻璃戲份，要盡快拍畢重要場口作節目巡禮片花之用。

放大圖片	黃翠如雖玩過滑翔傘，但卻不敢挑戰笨豬跳。	舊拍檔田蕊妮和阮兆祥合作愉快。

讚男友強壯

翠如昨受訪時坦言擔心男友，更叮囑Edwin跳完即時聯絡她，不過她謂：「佢打嚟嗰時我瞓咗，冇聽電話。（你敢唔敢跳？）我玩過滑翔傘，但呢啲頭向下衝嘅就唔敢，驚心臟負荷唔到。Edwin好強壯，係我擔心啫！」至於田蕊妮、阮兆祥這對舊拍檔就合作愉快，更開心到在澳門齊齊跳起拍照。

文：影視組