周柏豪澳門騷與8有緣

歌手周柏豪將於12月5日假澳門新濠影滙綜藝館舉行首個澳門演唱會，並請得組合Dear Jane及連詩雅擔任特別嘉賓，門票於昨日在新濠影滙官方網頁公開發售。昨日柏豪接受電話訪問時，率先報喜指VIP預售反應熱烈，他說：「其實我一直想喺澳門開騷，但搵唔到理想場地，今次可以嚟新濠影滙綜藝館開騷真係好開心，雖然我成日都去澳門，但fans好少見到我真人，所以今次係一個好好嘅機會同澳門嘅fans交流。」
周柏豪（中）帶隊過澳門開騷，連詩雅做嘉賓。
周柏豪（中）帶隊過澳門開騷，連詩雅做嘉賓。

柏豪為今次演唱會，更於開騷前一日在新濠影滙的STUDIO CITY舉行簽唱會，他說：「我嘅幸運號碼係8字，而STUDIO CITY就有一個8字形嘅摩天輪，覺得同呢個場好有緣囉，到時我會簽一千個名，應該會簽到手都軟，不過預售成績咁好，簽到手爛都值得。」問他可趁機遊澳門，柏豪就話想挑戰「笨豬跳」。

周柏豪開騷前在STUDIO CITY舉行簽唱會。
  • 周柏豪開騷前在STUDIO CITY舉行簽唱會。