鄧麗欣爆方力申想作反
歌手鄧麗欣（Stephy）昨日出席活動時大晒長腿及纖腰。而前DJ拿拿林就送上蛋糕，與司儀區文詩齊齊為本月15日踏入32歲的Stephy提早慶祝。問到男友方力申可有送生日驚喜，怎料Stephy踢爆小方企圖「作反」：「佢原本話我生日呢段時間會飛去玩，講講吓良心發現先冇飛到。」又指對方應不會準備驚喜求婚。
問到二人可會旅行慶祝，她透露經理人黃柏高（Paco）已下「禁飛令」，希望她專注電影宣傳工作。
而她昨日出席另一活動時就指日前出席錢國偉婚宴後未有心動想結婚，但想日後婚禮簡單為主。講到她排球特訓後變瘦，她就呻男友沒有留意：「佢唔會讚我呢啲嘢，髮型轉咗佢又唔知，着咗咩衫又唔知。」