溫家偉盼開解Jinny
吳若希（Jinny）寫千字文講自己曾被媽媽施暴，Jinny的緋聞男友溫家偉說不知情，但會支持及開解她。Jinny好友、歌手Kellyjackie則說家家有本難念的經，會做Jinny的聆聽者。
溫家偉：真係唔清楚，亦冇睇過篇文。作為好朋友一定支持佢，平時得閒大家都會聯絡食吓飯，有機會一定開解吓佢。之前Jinny媽咪有事都有陪佢探病，佢哋母女感情好好。Jinny細佬跟過我哋去玩，佢好乖好生性，相信佢會明白媽媽同家姐苦心。
Kellyjackie：家家有本難念的經，唔會過問Jinny，會做佢聆聽者，聽佢講心事，（傾到喊？）始終女仔，都有宣洩時候，我都會啦。Jinny媽好風趣、好好人，未見過佢發仔女脾氣，始終佢個腦受過傷，性格係有啲轉變。