15卡藍寶石家傳婚戒
昨日下午6時，一對新人現身切結婚蛋糕及交換戒指，再度變身接吻魚，連錫五次又再示範360度轉體咀嘴。盛品儒透露一對藍寶石戒指是其爺爺傳下來的家傳之寶，各15卡。蔡一鳳的綠寶石鑽石頸鏈，乃蔡母嫁妝，價值過百萬，手鈪都是其珠寶品牌的作品。
而到賀的賓客亦全是城中名人，如好友蔡加讚、羅霖、鄭明明、陳嘉容等。而早前在北京涉毒後，在港首次公開露面的張耀揚亦有出席，他說：「我嚟捧場，識咗蔡小姐好耐，祝佢哋白頭到老，永結同心。（送咩禮？）現實少少送禮金，幾多唔重要，心意最緊要。（投入番幕前？）仲未，依家買吓股票，賺咗啲。聽日返北京，有朋友結婚。（有冇片商搵你？）我係never say no，有好嘅嘢又覺得我啱嘅，都想盡快可以出返嚟。（涉毒事件影響工作？）一定有影響，未知接落嚟嘅工作點做，呢件事自己做錯好多，希望觀眾會包容，都會警剔自己。（吸毒角色演唔演？）唔敢講，唔知有冇咁嘅角色。」
而鄭明明則透露送上禮券最實際：「祝佢哋白頭偕老，早生貴子。」她透露戴上的紅寶石耳環是珍藏，因特價一口氣買了廿多件：「我鍾意買珠寶，朋友有間首飾店減價，合共過百萬。」
