鍾采羲搵靚仔交手車震唔拘
有「E Cup Iris」之稱的鍾采羲早前簽約王晶旗下公司，稍後跟何浩文、文凱玲等拍新片《鴨王2》，電影卻由3級降至2B級，向來形象性感的她直言底線是三點不露：「一定唔可以露點！雖然我思想新潮大膽，但我都係有啲保守。簽約時，我同老闆講好咗底線去到邊，之後任由佢安排角色我做。」
未拍過床戲的Iris又謂不介意接受挑戰：「如果唔係露得過分或三級的話，我都OK，因為未試過，有個靚仔畀我拍幾好。（車震？）睇吓對手靚唔靚仔啦。」問可有渴望合作的對象？她說：「有好多演員都欣賞，我鍾意譚耀文、陳坤，其實畀任何一個靚仔我已經好開心，有新嘗試嘛！」
場地：Olive ERA