關心妍想生B食平藥補身
關心妍（Jade）早前飛抵北京出席為內地殘疾兒童籌款的「天下華人同心築夢」活動，之後偕老公再飛加拿大「交人」。她謂：「老爺、奶奶每年都喺加拿大留半年，所以係時候要去陪吓長輩，加上我媽咪同哥哥咁啱又喺加拿大，想兩家人聚吓。」
Jade結婚6年，一直渴望有小朋友，可是久久未有喜訊。近年愛以中藥調理身體的她表示：「中醫話我唔夠血，但又唔啱食燕窩、冬蟲草嗰啲貴價補品，中醫話去核紅棗最啱我，所以我日日飲紅棗水。」原來只要對症下藥，平貨亦可變上品。Jade每日所服的去核紅棗，只是幾十蚊一包的平民貨，同樣有助懷孕效用，又謂老公亦是食平價補品：「我老公日日都飲馬卡水，馬卡係一種中藥，但價錢平，效用大，我買畀老公嗰啲都係百幾至幾百蚊之嘛，有補腎作用，男人好啱食。」