陳瑞瑩恨開舖頭中環插旗

擁有33C驕人上圍的中瑞混血模特兒陳瑞瑩（Helena），近日轉投新公司成為名模Amanda S.師妹，希望可以與對方合作。愛去海灘游水的她說：「我試過滑水，但好難呀，不過我都幾鍾意個過程。（唔驚曬黑？）我皮膚好黑，我爺爺嫲嫲問我點解皮膚咁黑，我話鍾意去沙灘游水、行山。」

網上零售反應好

擁有個人高跟鞋品牌的Helena，現時雖在網上零售，但反應甚好，故希望擁有首間實體店。她說：「依家一直都有keep住設計，下年會有我全新一個系列，希望大家可以多多支持。（反應點呀？）好好呀，好多朋友都讚，話我啲鞋好舒服，好鍾意。」她又希望在中環區開舖：「想開喺中環或者蘇豪區，因為自己平時都好鍾意喺嗰度行街，嗰度好多靚衫靚鞋買，如果第時我成功嘅話，到時一定會請大家嚟見證呢一個重要時刻。（想幾時？）想做多一年網上生意先。」

陳瑞瑩喜歡游水，故曬得一身古銅色肌膚。

陳瑞瑩希望將來生四個小孩。

感激男朋友支持

談及到感情生活，Helena一臉幸福，甜笑指與男友感情很好，更希望組織大家庭。她說：「我男朋友好鍾意我，好支持我模特兒工作。（結婚？）我唔知呀，可能好快又可能好耐，呢啲就要問我男朋友。（結婚會生小朋友？）會呀，要四個，我係獨生女，如果我有機會，好想組織一個大家庭。」

文：專案組

攝：倪立煌