視后田蕊妮於新劇《無雙譜》挑戰反串演忠臣，其男裝造型獲讚，阿田笑指演男人不修邊幅，連面油都懶得印，卻帶來無限桃花：「化妝師同梳頭師都攬住我叫靚仔，岑麗香又眼甘甘，龔嘉欣都好猖狂，成班人不停抽我水，終於睇到TVB女演員嘅獸性！」
談到《鬼同你OT》及《無雙譜》哪套作品問鼎視后呼聲較高？阿田抵死回應：「點解我唔可以入圍視帝先？嗰段時間去女廁都有人大叫，差啲要入男廁，受盡幾多苦！（下次仲肯唔肯反串？）仲嚟？唔好啦啩！」
