劉心悠揭底牌 怕醜冇自信

在電影《燈塔下的戀人》中，心悠除了與劉浩龍的感情戲受關注，她與小朋友也有不少對手戲，揚言跟小朋友交流最需要EQ和耐性，她讚戲中的小朋友都很聰明，她說：「我細個一定做唔到童星，因為我怕醜，到依家都係怕醜。」又謂想像自己小時候演戲的話，一定會在片場爆喊，甚至會掉頭走，因為冇自信。

時至今日，她間中仍會有想「走」的衝動，幾年前她挑戰自己，參演人生第一齣舞台劇，坦言踏出舞台那一刻，射燈照射着她時，瞬間閃出想「走」的念頭，她也弄不清楚究竟是緊張還是過度興奮，她深信自己是對事情很重視，才會很緊張，相輔相成，如此，便接受自己的緊張情緒，她說：「呢行時間好急，冇時間畀你驚。」似乎很有道理。

劉心悠喜歡剪接，希望可以為導演剪輯一個故事來。

心悠在新片中與劉浩龍有感情戲。

修藝術想做設計師

怕醜的心悠，若當初不選擇做藝人的話，會做甚麼？入行前她唸藝術，對設計傢俬及玩具興趣甚濃，一心想着畢業後便到傢俬設計公司或廣告公司工作實習，向設計界方面發展，只是無心插柳下而入行，她認為設計是需要鍛煉，錯過了這個黃金機會，現在想做也未必做得來，但在娛圈的多年浸淫，有另一番的鍛煉，她喜愛剪接，期望可以為導演剪輯一個故事來。

一向纖瘦的心悠，近年變得有肉地，原來她刻意改變飲食習慣，她說：「之前淨係食蔬菜，好快瘦，但唔正常，唔健康，依家調節番飲食，睇落好似肥咗，但其實呢個先係正常的體重。」

文：Tracy Leung

攝影：吳文聰

場地：FASHION FARM FOUNDATION 化妝：Annie G @ Annie G Make Up Centre

髮型：Eric Chow @ Xenter

服裝：MAGinshop