黃伊汶佗B 3月恨生仔

藝人黃伊汶（Emme）去年與演員陳國坤拉埋天窗並在峇里舉行盛大婚禮，昨日她與鄭希怡和陳敏之出席澳門舉行的Blesscuit Bakery開幕酒會活動，腳踏三吋高跟鞋、身穿紅色貼色裙的Emme腹部微隆，追問下她報喜承認懷有身孕，還笑言是一擊即中，她說：「係呀，剛剛三個月。（仔定女？）未知呀。我第一時間同老公講，佢真係好開心。我自己比較喜歡仔，老公就比較鍾意女，但其實仔女都冇所謂，最好係仔啦，哈哈。最緊要小朋友身體健康。」問到身體狀況如何，她則表示：「抬得行得走得，唔錯。因為我身邊朋友之前都佗得好舒服，可能我當時黐得佢哋多有關。」

跟陳敏之分享經驗

Emme笑言早幾日還與鄭希怡吃了大閘蟹，並指：「其實我本身好鍾意食蟹嘅，依家有咗小朋友會識得取捨嘞，只會食少少。」Emme指好友鄭希怡亦有與她分享懷孕心得，有甚麼不舒服亦會向她請教，她笑言：「到我有埋經驗時，就會同敏之分享埋嘞。」Emme又笑敏之早前去了度蜜月，問她是否已懷有身孕，敏之笑言：「我真係唔知o架，一直都有試。」

黃伊汶（右）笑言要孖鄭希怡（左）向陳敏之（右二）分享經驗。	身為餅店老闆的陳敏之，坦言想於世界各地開店。	黃伊汶、陳國坤

而記者聯絡上陳國坤問他的心情，他興奮表示：「開心、開心，同開心囉！（想仔定女？）仔女都冇所謂。」問到會怎樣獎勵太太，他表示：「未呀！我已經咩都比晒佢。」

另外，黃伊汶晚上出席盛品儒與蔡一鳳的婚宴，她說：「我依家食得、瞓得，好舒服，最開心係老公，佢想要小朋友。」問到會否過兩招造人心得給新娘子？她即笑說：「佢有plan ，祝佢三年抱兩！」

文：影視組