高海寧等緣分獨愛西裝男
藝人高海寧昨日出席鐘錶活動，直言非常羨慕身邊朋友也找到合適對象，但自己現階段仍處於單身，特別鍾情西裝男的她表示只好等待緣分到臨！
藝人高海寧（高Ling）昨日出席鐘錶活動，穿上低胸兼露背的短裙，大騷三吋事業線及長腿，非常養眼！高Ling更即場為外籍男模打煲呔，但姿勢看似頗為生疏，她笑言人生只為男士打過兩次煲呔：「就係喺後台幫佢（外籍男模）打咗兩次，因為好少機會打煲呔，但我識打呔。（有冇試過幫男友？）冇喎！但有試過幫細佬，因為佢返學要打呔，唔係個個都識打呔。」她又指特別鍾情穿上西裝的男士，因為感覺非常搶眼及充滿成熟的男人味。
羨慕香香有男友
另外，高Ling透露非常羨慕身邊朋友也找到合適對象，自己現階段仍等待緣分的到臨：「仲未有對象，要畀多少少時間，有好消息會通知大家！因為我知香香（岑麗香）公開咗，自己都好為佢開心，因為我早過大家少少知，會覺得大家一齊入行，見佢成長同公開男朋友，好羨慕！（有冇見過佢男友？）冇一齊食過飯，但有見過！」
楊洛婷生日收垃圾桶
同場的楊洛婷自爆老公樂隊Dear Jane主音Tim不太懂送禮物，兩人在一起已十年，但每年生日Tim也要徵詢朋友意見，再買禮物送給她：「有一年生日佢送咗個垃圾桶畀我，我諗我喊咗兩晚，因為Tim係一個實用型嘅人，佢話我有段時間屋企堆滿垃圾好臭，要有一個有蓋垃圾桶，個垃圾桶都要成幾千蚊！」她指結婚快一年，將在11月到馬爾代夫共度「蜜月」之旅，實行努力造人。
文：名人組