廖碧兒視網膜就甩 即做手術
廖碧兒經常周圍飛，早前發現視網膜有脫落危險，幸及時就醫做手術，逃過變盲妹，但就要休息三星期，暫時不能再飛，有驚無險！
藝人廖碧兒（Bernice）與歌手江若琳（Elanne）昨日出席「ENJOY!BAG品牌發佈會暨網店啟動禮」，二人獲品牌送上全球限量50個的手袋。Bernice表示知道品牌24小時online，令她更方便online shopping :「我鍾意大袋裝(o野)，工作要用大袋，放化妝品、電話、叉電器。」
觀察三月停飛
Bernice透露早前從法國回港，兩星期前發現視網膜有脫落迹象，她說：「每年我都會準時check眼，以往一個鐘就睇完，今次要三個鐘，醫生話我左眼視網膜就甩，因為係下視網膜，嚴重嘅話會盲，所以即時入院做手術。」她表示醫生話成因可能細個撞過，而且會老化，自己近視有千幾度，十多年前已做激光矯視。她透露現在不能乘飛機，要休息三星期，觀察三個月，故早前第一年有時間與父母到內地玩兼過中秋；問到工作可有受影響？她直言未能到新加坡宣傳新劇及到美國宣傳電影。
等樓市跌上車
另外，最近主攻大陸巿場的Elanne，笑言人民幣貶值，要回港搵港幣。問到有否shopping？她表示：「我個人好慳，只會買有需要同實用嘢。（買樓？）遲啲先，話樓市跌，咁我哋啲星斗市民可上車。（依家儲到幾錢？）都儲到啲錢喺媽咪度，唔可以亂用。」提到與前公司的合約糾紛至今已有約一年多，正等法庭排期，可能要等四至五年，她笑言每月給律師費已習慣，感覺似供樓，直言自己會逆風而行；她透露工作沒有受影響，明年計劃出歌，亦有不少電影及劇本接洽。
文：名人組