娛樂
邱子傑生日扁嘴老婆飛吻氹番
邱李茂琪特別為老公邱子傑安排東京之旅,慶祝44歲生日。
溥儀眼鏡行政總裁邱子傑周日(4日)44歲生日,太太邱李茂琪細心炮製一個慶生東京旅行團,同行還有李克勤與盧淑儀,因為收不到仔女致電祝賀,壽星公一度扁嘴,邱李茂琪見狀急忙送飛吻呵番。
邱子傑與太太邱李茂琪(Margaret)是城中的模範夫妻,既恩愛又有情趣,Margaret趁老公44歲生日,安排拍拖到東京慶生,還邀來剛完成演唱會的李克勤和太太盧淑儀同行,兩pair夫妻一向老友鬼鬼,玩得更盡興。
為兒子掃新貨
邱李茂琪錫番老公一啖,邱子傑唔使再扁嘴!
邱子傑買到一袋二袋。
左:邱李茂琪。
李克勤(右)與太太盧淑儀(右二)舉杯賀好友邱子傑生日。
其實邱氏伉儷暑假期間曾到日本遊玩,Margaret笑言日本去極唔厭:「我哋同克勤好好朋友,今次一齊去慶祝,仔女就冇同行,老公都幫囝囝掃咗好多COMME des GARCONS新貨。(有乜趣事?)仔女冇同佢講生日快樂囉,搞到佢有啲扁嘴,因為佢哋好多功課要做,夜晚先同佢講生日快樂,先即刻開心番。(送咩禮物畀老公?)送飛吻。」仍身在東京的他們,表示不知道發生浣熊走脫在東京秋葉原咬傷人事件,指很少到該處,行程未受影響。
好驚「零瑕疵」
李克勤日前到電台做訪問。
此外,克勤日前在電台受訪時,回想多年前被台媒封為「零瑕疵」歌手一事,他說:「曾經我好驚呢個名,覺得呢個名係壓力,依家放開咗,冇諗究竟係讚定係彈,歌曲最重要係將感情唱到聽眾心裏,能感動人就足夠。」剛與容祖兒完成演唱會的他,坦言對現場演出的要求提升了,因演出會製成影碟,永遠流傳,在台上即使多攰都會盡力唱好。克勤曾與不少新一代歌手合作,從而可知道他們眼中的自己,並非刻意討好年輕樂迷。
文:名人組