邱子傑生日扁嘴老婆飛吻氹番

邱子傑與太太邱李茂琪（Margaret）是城中的模範夫妻，既恩愛又有情趣，Margaret趁老公44歲生日，安排拍拖到東京慶生，還邀來剛完成演唱會的李克勤和太太盧淑儀同行，兩pair夫妻一向老友鬼鬼，玩得更盡興。

為兒子掃新貨

其實邱氏伉儷暑假期間曾到日本遊玩，Margaret笑言日本去極唔厭：「我哋同克勤好好朋友，今次一齊去慶祝，仔女就冇同行，老公都幫囝囝掃咗好多COMME des GARCONS新貨。（有乜趣事？）仔女冇同佢講生日快樂囉，搞到佢有啲扁嘴，因為佢哋好多功課要做，夜晚先同佢講生日快樂，先即刻開心番。（送咩禮物畀老公？）送飛吻。」仍身在東京的他們，表示不知道發生浣熊走脫在東京秋葉原咬傷人事件，指很少到該處，行程未受影響。

邱李茂琪錫番老公一啖，邱子傑唔使再扁嘴！	邱子傑買到一袋二袋。	左：邱李茂琪。 李克勤（右）與太太盧淑儀（右二）舉杯賀好友邱子傑生日。

好驚「零瑕疵」

此外，克勤日前在電台受訪時，回想多年前被台媒封為「零瑕疵」歌手一事，他說：「曾經我好驚呢個名，覺得呢個名係壓力，依家放開咗，冇諗究竟係讚定係彈，歌曲最重要係將感情唱到聽眾心裏，能感動人就足夠。」剛與容祖兒完成演唱會的他，坦言對現場演出的要求提升了，因演出會製成影碟，永遠流傳，在台上即使多攰都會盡力唱好。克勤曾與不少新一代歌手合作，從而可知道他們眼中的自己，並非刻意討好年輕樂迷。

文：名人組