張智霖誓追睇阿佘難忘第一次

Chilam與阿佘15年前接拍無綫劇《十月初五的月光》，當年首播周創下37點收視佳績，「初哥哥」與「君好」的淒美愛情故事成為一眾劇迷的集體回憶。最近二人再次合體，將故事改編搬上大銀幕，安排於11月中上映。

連播四集

無綫有見及此，決定本月17日晚開始，一連五個星期六深宵時段重播《十》劇，讓劇迷逢周六可以一口氣重溫四集《十》劇。

兩位當事人得知「喜訊」即大表雀躍。昨日到內地登台的Chilam笑說：「其實15年前嘅拍攝記憶，好多都煙消雲散，自己咁多年都係睇過一次《十》劇，依家重播又令我有興趣追睇番喎，畢竟可以話係大家嘅集體回憶嘛。好多謝無綫今次咁幫手，令大家走入戲院睇戲之前，可以先睇番套劇熱吓身先。」

當年包包面的阿佘與一臉稚氣的張智霖。

電影版除原班人馬拍攝外，還加入台灣藝人陳喬恩（右二）。

阿佘亦稱很喜歡《十》劇：「當時自己仲係新人，包包面囉。拍呢套劇之前大家都覺得我嘅演技比較幼嫩，但呢套戲為我帶嚟『觀眾最喜愛電視角色』同『螢幕情侶獎』，絕對係一個轉捩點。我為《十》片開工前，都特登重溫過劇集，好多謝TVB配合重播囉。」

特殊安排

無綫助理總經理杜之克承認重播《十》劇：「傾過會配合電影宣傳，逢星期六晚播放。（之後仲會播咩劇？）呢次係特殊安排，會唔會繼續落去就要視乎觀眾嘅反應嘞。」

文：影視組