何紫綸搞千萬大生意

模特兒何紫綸（Ann）昨日以老闆身份出席其製作公司開幕，前性感組合Freeze成員陳樂榣（Alley）專誠撐場。身為營運總監的Ann透露與其他股東合資，公司連頭炮「星座少女」計劃，總投資高達過千萬：「公司唔只做藝人，係一個企業品牌，會延伸做衫褲鞋襪、餐廳、電玩等。（未婚夫有冇意見？）佢支持，佢都想另一半獨立。（唔怕冇時間陪佢？）唔會，佢成日都要公幹，小別勝新婚。（唔生小朋友？）會，順其自然。」她開心表示11月1日的婚禮事宜籌備得如火如荼，但笑言仍未揀婚紗：「有婚紗公司幫我設計婚紗、姊妹衫，遲啲去試身嘅時候先揭曉款式。（擺幾多圍？）會喺金鐘香格里拉酒店擺32圍。」