周柏豪寫歌賀Ella產子

官恩娜前日誕下混血B，同屬華納唱片的周柏豪昨日和女神周秀娜（Chrissie）出席腕錶品牌活動時，柏豪表示昨早得知喜訊，激讚母愛偉大：「祝佢個BB肥肥白白，期待滿月或100日嘅時候可以去探BB。（會送咩禮物？）我唔知送咩嘅時候就會寫歌送歌。」問到何時到他生B？他稱暫未有計劃：「啲時間放晒喺做嘢度。（女友冇詐型？）從來都冇，溝通好足夠。（會唔會效法王宗堯公開甜蜜照？）屋企人嗰啲都係收埋會安全啲。」同唱片公司的連詩雅亦送祝福：「辛苦晒同恭喜晒Ella，希望小朋友肥肥白白，健健康康，最緊要休息多啲！」