張繼聰開騷驚被Kay搶鏡
張繼聰昨日為12月12日在Star Hall舉行的《I'm OK Live Concert》演唱會舉行記者會，獲主辦商送上「OK」手勢的蛋糕祝賀，阿聰笑謂由做童星至今入行30年尚算OK，並指5年前於同場一地開騷。問可會加場？他謂：「要睇反應啦，希望大家可以『加長』我演藝生涯啦！」
阿聰又稱無信心奪視帝，問是否覺得對手太強？他謂：「祥哥（黎耀祥）做戲不嬲好睇，自己都恨同佢拍戲，而（黃）秋生仲係大師兄添。」再問會否請太太謝安琪（Kay）做演唱會嘉賓？他笑言：「應該唔會，好難得先有自己音樂會，佢一上台呢……（怕老婆搶鏡？）搶鏡就肯定，佢人又靚又唱得好，性格又唔錯，實搶鏡，所以唔好啦！」