林雅詩左手淌血 漏夜入院

林雅詩昨日凌晨三時許，左手纏紗布入院。

前落選港姐林雅詩（Grace）昨日凌晨三時許，在助手表哥Eric陪同下現身九龍聖德肋撒醫院，見她左手手腕纏着紗布，其實Grace早前出席活動時已包紮住，但未有解釋受傷原因。翻查Grace微博，曾多次表達不快，形容「好辛苦」並上載（界）手相！而近日Grace被指婚姻現暗湧及有指其表哥助手為新歡等。Grace又突然負傷現身醫院，引來自殘揣測。

有食安眠藥

昨日Grace接受本報電話訪問，透露因做家務而再令傷口爆開，否認自殘指：「之前煮嘢食已經整親手，做家務又唔睇住傷口，結果搞到流血，醫生幫我打咗支止痛針同開咗啲藥畀我。（因為打架？）唔係！」Grace直言承受不少壓力，期間更爆喊表示：「一個女人咁嘅年紀想有番自己事業，但不斷有新聞去抹黑我，我都只係想開開心心出本寫真，用嚟喺大陸發展！（問到傳出有新歡？）佢係我表哥，依家做我經理人，媽咪知我復出唔容易，就叫表哥幫我。」但Grace坦言並非患情緒病，但承認有靠安眠藥入睡，又提到有家庭壓力：「老公見我呢排咁多新聞，都已經有啲說話，因為佢份人好低調。」

林雅詩早前上載臉部受傷相。	林雅詩曾於2013年在微博指想離婚、傷心想尋死（紅框示）等字句，更放上（界）手相。	放大圖片

想老公關心

Grace在過往數年間不時在微博大吐苦水，並曾表達過輕生念頭，留言指：「你是想見到我自殺定跳樓」，更上載（界）手相，而Grace澄清謂：「嗰段時間丈夫處於事業嘅高峰期，冇時間理我，我好唔開心同佢拗交，我為屋企付出咁多，但佢唔欣賞我，我用文字抒發情緒。（（界）手相係你？）張相係網上cap出嚟，想用嚟嚇我老公，嗰陣有諗過離婚，想佢關心我，但冇第三者！（依家關係點？）今年好好多。（咁你有冇（界）手？）冇，我要照顧小朋友，唔會咁樣去傷害自己。」至於其表哥Eric指二人清白不會避忌，會繼續幫Grace接洽工作。文：專案組

放大圖片	（界）手相	將出寫真的林雅詩，直言希望有自己事業，並到大陸發展。