Eason暗藏神曲 等Timing出鞘
歌神陳奕迅（Eason）忙完一輪新專輯宣傳後，又繼續展開其密集式巡唱生涯。雖然Eason這次巡唱至少要到明年中才結束，但一班「神級歌迷」不愁冇「神曲」止渴，皆因Eason早已炮製秘密專輯，收埋倉底等曝光。
Eason在2011年時與一同做「DUO」巡唱的音樂班底，包括恭碩良、盧凱彤、陳永謙、何炳等音樂創作人，合作一張名為《EASON CHAN & THE DUO BAND》專輯。Eason表示：「全部係DUO嘅班底一齊做，佢哋每人都會寫首歌畀我，包括我自己，會有廣東、國語同英文歌，呢個形式係我未試過。」
拉隊廣州集訓
當日為錄製這「神秘」專輯，Eason曾拉隊到張敬軒在廣州開的錄音室錄音：「因為軒仔間錄音室有住宿設施，所以我哋直情住咗嗰度五日。瞓醒就食個早餐，之後又錄音，好正好開心（口架）。」
問到為何專輯至今都未打算推出，慘變「倉底碟」？Eason笑言：「原本係諗住完咗2012年嘅「DUO」巡唱後出，作為一個總結。但當時我同王雙駿嘅兩首歌都未做好，加上嗰陣我又要出國語碟，反正都遲咗，所以就等啱Timing先出啦。」反而最令Eason感可惜是專輯未出街，軒仔的錄音室已被內地收地拆卸：「餘下嗰兩首歌，依家惟有喺香港做埋啦。」
開迷你騷敍舊
Eason稱到時唱片推出後，便為這THE DUO BAND做一場迷你音樂會當敍舊，但最快明年完成所有巡迴才能實行。至於Eason完成新碟《準備中》的宣傳後，現又開始「Another Eason's Life」的世界巡迴演唱。除到內地城市，十月更會赴澳洲及美加等地，所以他早已準備多套新造型上場，讓歌迷保持新鮮感。
文：音樂組