黃浩然為健康棄獎
黃浩然與好友田蕊妮在新劇《無雙譜》大鬥演技，談到阿田反串扮男人，視她為兄弟的浩然笑言不習慣與對方談情：「佢反串演男人仲順眼！」對於因病失卻重頭劇《張保仔》要角，浩然坦言感可惜：「始終係身體緊要，自己都有追睇，佢哋玩好多特技。（有信心贏洪永城拎獎？）冇諗呢啲，我希望兩線劇都收視好！」
浩然平衡得失心，整裝待發迎接更多新角色與機會：「以前食嘢唔諗咁多，開劇就食飯盒，依家有太太愛心飯盒，自己又戒埋煙，加上做運動，希望減低對身體嘅傷害。」早前拍畢新劇《警犬巴打》，浩然有感身體已適應工作壓力：「開工時都擔心，畢竟有動作場面，個病又難預計，但我可以講身體狀況已經OK，Ready好重投工作，就等公司安排。」