姚紫茵全心追夢嫌棄港男
兒時想做明星總被標籤為「發明星夢」的負面評價，然而姚紫茵（Bonnie）為了證明自己並非只懂發夢，願意多嘗試多學習，亦深明難以一步登天的道理，為圓演員夢甚至甘願放棄愛情。
藝人姚紫茵（Bonnie）從小已接觸戲劇，就算曾經擔任夜店DJ打碟，仍希望繼續往戲劇方向發展，甚至報讀演藝課程增值，問到拍戲有何吸引之處？她表示：「可以試唔同嘅嘢，好似拍戲做警察，你現實唔係做警察嘅話唔會做到嗰啲嘢，亦想拍打戲，因為對呢方面唔熟悉，拍嗰陣可以接觸。」Bonnie在18歲已拍攝首部電影，入行兩年拍攝幾部電視劇及電影，她希望有更多機會嘗試不同角色，問會否望奪獎項？她則不敢太大想頭：「一步一步嚟啦，冇理由一步登天，唔係個個有咁嘅機會。」
曾與泰男拍拖
醉心演戲的Bonnie為求工作更可放棄愛情，自言不愛拍拖的她認為戀愛很麻煩：「好似我做嘢方面，有時會着得比較性感，唔想另一半多嘢講之餘我又多嘢煩，會影響工作。（試過性感畀人詐型？）佢知我尺度係三點式同內衣，可能把口冇講，但個心唔知O唔OK。」
Bonnie對港男沒有好感，恰巧上兩個男友都是泰國人：「佢哋比較細心體貼啲，會成日煮飯。（接受到異地戀？）OK呀，可以畀多啲空間大家，唔一定要成日見，我唔係黐身嘅女友，反而要對方適當嘅黐身，如果唔係我會覺得佢唔着緊我。」
文：音樂組
攝：吳文聰