香香宣布拍拖 情傾6呎孝順仔
無綫花旦岑麗香終於公開戀情，成功俘虜女神芳心的幸運兒，為一名從外國回流香港的六呎高猛男，二人於年初經朋友介紹而認識，已拍拖大半年，香香正獲無綫力捧，但愛情大過天的她不避嫌與男友在公眾場合有親密行為。日前香香被發現在住所附近商場與男友拖手，及後二人更情不自禁親嘴。
香香受訪時冧爆兼甜笑謂：「我哋3月中先開始拍拖，佢外國返嚟，中文唔係太好，同我好啱key，（公然咀嘴？）係呀，我都覺得尷尬！（收得好埋喎？）啱啱開始，畀啲時間我哋認識吓。（男友有咩吸引？）佢心地好，對家人孝順，所以吸引到我。其實我有一段時間冇拍拖，希望外界支持我，（結婚對象？）咁快講呢啲？一步一步了解先。（公開戀情有冇壓力？）拍拖係開心事，我都係正常人，公司亦冇話唔鍾意。」