泰臣動真氣子丹毒招掃下陰

武打影星甄子丹昨日現身新片《葉問3》預告首播的記者會,會上播出他與張晉及拳王泰臣於戲中的對打場面,火藥味濃。

子丹稱兩位對手展現出不同的風格,又笑言與世界拳王泰臣對戲時,要全神貫注做好準備以免意外發生!他說:「演嗰陣都好驚佢(拳王泰臣)嚟真,你知佢拳頭可以打死人。我都諗定點樣掃低佢,或者踢佢下陰!點知佢真係唔記得咗八爺(袁和平)教嘅招數,佢一拳打埋嚟有拳風掃過,現場睇到嘅都嘩嘩聲!(再搵泰臣為新片宣傳?)都想再搵佢,佢令套戲充滿色彩。」

談到《葉問》將於聖誕上映,難免與荷里活大作《星球大戰7》狹路相逢,但子丹對票房有信心:「演員做好自己本分,每套戲都有佢嘅命數。咁我都有份拍《星球大戰8》,當然希望《星7》好,可以雙贏!」