朱盈盈選美常客 唔mind肌男抄牌
有「嫩版李彩華」之稱的模特兒朱盈盈（Zenia）自小對選美充滿幻想，大學畢業後即連番參加選美，曾參選港姐及亞姐，最終贏得2013年中國小姐香港區冠軍，她笑說：「細個已經覺得好多選美冠軍都好靚，係美貌與智慧並重，好多親戚朋友都叫我參加，呢幾次選美經歷似係人生縮影，幾個月就學到非常多嘢！」過足選美癮的Zenia下一步望打入演藝圈，做個出色演員。
異性爭住教
擁有省鏡樣貌及Fit爆身材，Zenia異性緣自然爆燈，就連在Gym房健身都有艷遇，常被肌男搭訕「抄牌」：「成日有男仔行過嚟撩傾偈，有啲講嘢有技巧，都會交換電話。（會揀邊類男仔？）大隻同高大有型，都要傾落啱傾嘅。（啲男仔乘機捉手仔教做Gym？）個個男仔都話我要改善姿勢，但我比較怕醜，如果畀唔熟男仔掂，我會避忌，企隔籬聽佢教就ok。」
中學有拍拖
外形甜美的Zenia表示揀男友不一定要靚仔：「性格最緊要！我鍾意男仔有風度、幽默，有心思搞浪漫驚喜。」她又分享一段難忘心跳回憶，讀中學時被一名癡心男狂追：「佢仲繼續對我好好，有次佢摺咗千幾隻紙鶴畀我，每隻都寫晒字，好感動！之後我變番單身同咗佢一齊兩星期，可惜最後分隔兩地要分手，但呢段回憶係好sweet！」
文：立影 攝：黎志輝
Profile
身高：1米66
體重：46kg
三圍：33C、24、35
簡歷：曾參加2013年亞姐及2015年環球比堅尼小姐大賽，及參與電影《單身男女2》、《唐伯虎之衝上雲霄》。