伍允龍打得爽剝衫護花
最近傳緋聞的伍允龍（阿龍）和劉佩玥（Moon），日前在九龍塘拍攝新劇《城寨英雄》，自認功夫耍家的阿Moon與傳緋聞的阿龍有親熱戲，她認為毋須避忌或介意。阿龍在劇中有連場除衫打鬥戲，他直呼打得好爽！
伍允龍、劉佩玥和張國強日前為無綫新劇《城寨英雄》拍外景，他們穿上五十年代戲服坐上黑色老爺車，穿梭於九龍塘街頭。阿龍扮演阿Moon的保鏢，更會發展感情線。
安全感吸引人
談到二人早前傳出緋聞，拍親熱戲會否尷尬？阿Moon說：「緋聞啫，冇乜特別，又唔係真嘅，唔需要避忌或介意。」她又透露多次獲阿龍英雄救美，自言應付動作場面也不是省油的燈：「雖然唔似陳展鵬、阿龍有一身功夫，但我啲功夫都耍家o架！好多鬼馬、古靈精怪嘅嘢，唔同一般野蠻千金小姐。（鍾意好打嘅男仔？）唔係打得嘅男仔吸引女仔，係健康、令女仔有安全感嘅男仔先吸引人。」
首次拍劇的阿龍在劇中有大量打鬥戲，最開心是重遇一班合作過的武師：「同吳家樂打最多場，佢身手都ok，第一場唔係好熟，大家就住打，拍耐咗變成朋友，大家都打得好爽、好放。（個個唔夠你打？）角色寫到我好好打，元秋做我媽咪，佢有打我，但冇過招，我哋一齊夾份打壞人。」
保腹肌要忍口
阿龍表示最難忘到森林拍打戲，因場地淺窄又多石，不過最辛苦相信是稍後拍的打擂台戲：「因為要除衫，呢套劇好多場面要除衫，要保持體能又唔可以食咁多，所以有啲辛苦。（騷肌肉？）會，呢排都練多少少、食少啲，暫時都有六嚿腹肌。」
感情生活方面，與鍾嘉欣已分手的阿龍說：「依家主要諗工作，嚟緊工作都密啲，加上大部分係動作戲，真係要好專注，唔係自己同旁邊嘅人都好易受傷。」並強調跟阿Moon是朋友關係。文：影視組