宣萱自由女神發放正能量

女星宣萱、夏文汐、余安安、麥潔文最近忙於籌備《我的女神演唱會》，她們日前接受有線訪問，向來性格爽朗的宣萱對「女神」稱號受寵若驚兼有壓力，她笑說：「喺我心目中女神係樣貌標致、小鳥依人，好似周慧敏、李嘉欣咁，令男人暈得一陣陣，我頂多係『自由女神』，自由奔放嗰種！」

既肩負女神之名，宣萱只得提醒自己時刻要保持最靚一面，但她深信女神不是單靠外貌，最重要是有一顆善良的心，她說：「我得閒會抽好多時間做慈善活動，希望用自己嘅名氣、影響力將正面嘅訊息傳畀人，回饋社會。」

夏文汐（左）與余安安接受訪問，暢談開演唱會的心路歷程。

七位風格迥異的女星，破天荒攜手合作。

麥潔文讚囡有天分

麥潔文則笑謂很幸運可以「掹車邊」做女神，講到女兒陳薔天獲唱片公司青睞，她笑說：「天分一定有，有我哋嘅優良基因嘛！不過佢自己都好勤力練歌嘅，有機會都想同囡囡同台合唱。我哋支持佢入行，但唔會幫佢太多，希望佢經歷過先知道得來不易，學會珍惜。」

夏文汐則自爆身邊朋友及女兒也不看好她開騷唱歌，她說：「個女從未聽過我唱歌，莫講話支持，佢連我開騷都話難以置信，直至見到海報先信，仲不斷質疑我得唔得架！」

採訪：影視組